Sirikatha.lk: Where Women's Stories Take Center Stage in Sri Lanka

මේ සතිය ඔබට කොහොම ද? - දෙසැම්බර් 02 සඳුදා සිට දෙසැම්බර් 08ඉරිදා දක්වා

මරු සිටින දිශාව : සඳුදා - වයඹ, අඟහරුවාදා - බටහිර, බදාදා - නිරිත,
බ්‍රහස්පතින්දා - දකුණ, සිකුරාදා - ගිනිකොන, ශනිදා - නැගෙනහිර, ඉරිදා - උතුර

රාහු කාලය

02 සඳුදා - පෙ:ව: 07. 37 සිට පෙ:ව: 09. 07දක්වා

03 අඟහරුවාදා - ප:ව: 03 .08 සිට ප:ව: 04. 38 දක්වා

04 බදාදා - පෙ:ව: 12- 08 සිට ප:ව: 01. 38 දක්වා

05 බ්‍රහස්පතින්දා - ප:ව: 01. 38 සිට ප:ව: 03. 08 දක්වා

06 සිකුරාදා - පෙ:ව: 10. 39 සිට දහවල්: 12. 09 දක්වා

07 සෙනසුරාදා - පෙ:ව: 09. 09සිට පෙ:ව: 10. 39 දක්වා

08 ඉරිදා - ප:ව: 04.40 සිට ප:ව: 06- 10 දක්වා

මේෂ - අලුත් බලාපොරොත්තු සිතට එයි

ඔබගේ ලග්නාධිපති කුජ මෙන්ම සඳු ග්‍රහයාගේ ගමන මත ඔබට මෙම සතිය තුළ තමා කරගෙන යන කටයුතු සාර්ථක වෙයි. මුදල් හෝ ද්‍රව්‍යමය ලාභයකට හේතු ඇති කරයි. වෙළඳාම් කටයුතුවල මෙන්ම කලාත්මක අංශයේ දේවල්වල නිරතවූවන්ට යහපත්ය. ණය ගනුදෙනුවලින් නිදහස් වේ. අලූතින් සැලසුම් හා බලාපොරොත්තු සිතට එන සතියකි. නව ආදායම් මාර්ගවලට අදාළ කටයුතුවල දියුණුවක් අපේක්ෂා කළ හැකිය. එමෙන්ම ගෙදරට අවශ්‍ය භාණ්ඩ ලැබේ.
වෘෂභ - රාජකාරි ගැටලුවක් විසඳෙයි
ඔබෙන් දුරස්ව සිටි අය නැවතත් ඔබ සමග ඇසුරට පත් වේ. එසේම මෙය ආර්ථික වාසි බලාපොරොත්තු විය හැකි සතියක්ද වේ. පැවැති නාස්තිය වළක්වාගෙන දියුණුවට මඟ පාදා ගැනීමටත් හැකි වේ. ඉඩමක් ගෙයක් ව්‍යාපාරික ස්ථානයක් නැතහොත් වෙනත් අවශ්‍යතාවක් සඳහා ඔබ යමක් මිලදී ගැනීමට කටයුතු පිළියෙළ කරගනී. රාජකාරියට බලපෑ ගැටලුවක් සතිඅග විසඳේ. සැප පහසුවට කටයුතු සැලසේ. තමාගේ කාර්යාලවල කටයුතුවලින් දියුණුව ලැබේ.

මිථුන - කටයුතු වගකීමෙන් කරන්න

ඔබට මේ සතියේදී විරුද්ධවාදීන් හෝ අකමැති පිරිසක් සමග හෝ එකට එක්වී කටයුතු කිරීමට සිදුවීමෙන් සිතට කළකිරීමක්ද ඇතිවේ. අපේක්ෂිත මුදල් නොලැබුණත් තැන්පත් ධනයෙන් හෝ අනපේක්ෂිත දෙයකට නිකරුණේ මිල මුදල් වියදම් කිරීමට සිදු වේ. උසස් නිලධාරීන්ගෙන් ස්වාමි පක්ෂයෙන් කරදර ඇති වීමට ඉඩ තිබෙන නිසා තම කාර්ය කටයුතු වගකීමෙන් කිරීමට සැලකිලිමත් වන්න.

කටක - මිත්‍රයන් සමගද අවුල් ඇති නොකරගන්න

ඔබට මෙම සතියේ මුල් දින හතර අධ්‍යාපන, රැකියා මෙන්ම විවාහ යන කටයුතු කෙරෙන් බලපා තිබූ බාධා අවහිර ඉවත්ව යෑමක් පෙන්නුම් කරයි. එබැවින් මෙය ගත වූ සතියට වඩා තම වැඩවලට අන්‍යයන්ගේ උදව් උපකාර ලැබෙන සතියක් බව ද කිව යුතූයි. අවසන් දිනතුන දුර්වල භාවයෙන් පැවැති ඉපැයීම් මාර්ග ශක්තිමත් වන දේවල් ගොඩනැගූනත් අනවශ්‍ය මෙන්ම අනපේක්ෂිත වියදම් සිදුවේ. මෙවැනි සුබපල මධ්‍යයේම මිත්‍රයන් සමගද අවුල් වියවුල් ඇති විය හැක.

සිංහ - හදිසි මුදල් ලාභ

මෙම සතියේ මුල් දින තුනට වඩා අවසන් දින හතර ඔබ ආරම්භ කරන කටයුතුවලින් ලාභ හා දියුණුව ඇති වේ. ආගමික කටයුතු මෙන්ම පවුලේ යහපත වෙනුවෙන් ද යම් යම් පරිත්‍යාග හා ධනය ශ්‍රමය වැය කරයි. රැකියා මෙන්ම අධ්‍යාපන ආදී කාර්යයන්හි උනන්දුවෙන් නිරත වේ. දින ගණනක් තිස්සේ සැලසුම් කළ වැඩ කටයුත්තක් ක්‍රියාත්මක කිරීමට අවස්ථාව සැලසේ. ලොතරැයි වාසනා හදිසි මුදල් ලාභ වැනි දෙයක් ලැබේ. ප්‍රීතියට සහ සැනසීමට කටයුතු සැලසේ. වෙළෙඳ ව්‍යාපාරවල යෙදී සිටින අයට වැඩිපුර ලාභ උපදවා ගත හැකි මාර්ග මෙහිදී පෑදෙනවා ඇත.

කන්‍යා - ගනුදෙනු හා රාජකාරී ප්‍රශ්නයක් විසඳෙයි

මෙම සතියේ මුල් දින හතර තුළ ඔබට සෑමදෙයක් ගැනම අලුත් ආකල්පයක් යටතේ සිත යොමු කිරීමට හැකි වේ. පසුගිය දිනවල නොවිසිඳී පැවති ඇතැම් ප්‍රශ්න සම්බන්ධ සතුටුදායක විසඳුම් ලැබේ. ගනුදෙනු හා රාජකාරී ප්‍රශ්න විසඳෙයි. පසුගිය දිනවල තමා ගත් ඇතැම් තීන්දු තීරණවලට මෙහිදී වැඩිහිටියෙන්ගේ ආධාර උපකාර සහයෝගිතාව ලැබීම අනුකූලතා දැක්වීම නිසාත් තම අපේක්ෂා ක්‍රියාවට නැංවීමට අවස්ථාව සැලසේ.

තුලා - සතුට සොම්නස වර්ධනය වෙයි

ඔබට මෙම සතියේ මුල් දින හතර තුළ ශුභදායී වෙනස්කම් රැසක් සිදු වේ. දුෂ්කර තත්ත්වයන් කීපයක් සාර්ථක කර ගැනීමට පහසුකම් සැලසෙයි. සතුට සොම්නස වර්ධනය වන අයුරින් වැඩකටයුතු සිදු වේ. යම් යම් මුදල් ලාභ හිමිවන පසුබිමක් සැකසේ. එනිසා ඔබගේ ජීවිතය ජය ගැනීමට වෙහෙසී කටයුතු කිරීමට උත්සාහ ගන්න. අවසන් දින තුන ගැටලු ප්‍රශ්න මතුනොවන අයුරින් කටයුතු කිරීමට සැලකිලිමත්වන්න. ජීවනෝපාය මාර්ගවලට අවහිරකම් යෙදේ.

වෘශ්චික – ලාභ ප්‍රයෝජන හිමිවන සතියක්

ඔබට මෙම සතිය ආරම්භයේ සිටම මෙන් සුබඵල අත්කරන බවක් පෙන්නුම් කරයි. රැකියාවේ විශේෂ වෙනස්කම් කිහිපයකටත් හේතු යෙදේ. තනතුරු ලාභ මෙන්ම රැකියා අහිමි වූවන්ටත් විශේෂ සුභ ඵල උදා කරයි. නිතර හමුවන හිතවතකුගෙන් වාසි කිහිපයක් ද සැලසේ. එමෙන්ම මෙය යම් යම් ලාභ ප්‍රයෝජනයන් හිමිවන සතියක් ද වේ. දේපල පවා ලැබෙන්නට හේතු තිබෙන බැවින් ඒ ගැන උත්සාහවත් විය යුතුයි. ගෙදර දොර ප්‍රීතිය වාසනාව ඇති වේ. අළුත් හිත මිත්‍ර සංගම් ඇති වේ.

ධනු - ධනෝපායන මාර්ග පිළිබඳ සතුටුදායක පුවතක්

පැවැති අසනීප තත්ත්වයකින් සුවය ලැබේ. දුර දිග බලා කටයුතු කරන නිසා වාසි කිහිපයක් සැලසේ. ඉපැයීම් ක්‍ෂේත්‍රය ධනෝපායන මාර්ග පිළිබඳ සතුටුදායක පුවතක් අසන්නට ලැබේ. හදිසියේම යොදාගත් කටයුතු කිහිපයකම සාර්ථක නිමාවක් දැකිය හැක. විදෙස් ගත ඥාතියකුගේ පැමිණීමක් සිදුවේ. දේශපාලන වැඩවල යෙදී සිටින අයට මේ කාලයේදී ලොකු දියුණුවක් ඇති වේ. සමාජීය ජන ප්‍රසාදයක් ලබා ගැනීමට ද පුළුවන.

මකර - අමතර ආදායම් හිමිවීමක්

සමස්ථයක් වශයෙන් බලන කල සතිය ආරම්භක දින දෙක තමාගේ සිතැඟියාවන් ඉටුකර ගැනීමේදී ඇතැම් විරෝධතා, බාධා පැනැඟුනත් අවබෝධයෙන් ඒවා මැඩගෙන ඉදිරියට යෑමේ හැකියාව ද ඔබට ඇති කරයි. සිතේ සැනසිලිබව තුරන් කරන පුවත් අසන්නට ලැබේ. කෙසේ නමුත් මෙම සතිය තුළ ඔබට අමතර ආදායම් හිමිවීම නිසා ආර්ථික කටයුතු සමබරව පවත්වා ගැනීමට හැකිවන්නේය. පොදුවේ මෙම සතිය ඔබගේ ඉපැයීම් අංශවල ප්‍රගතියක් පෙන්වයි.

කුම්භ - කටයුතු උද්යෝගීමත්ව කරන්න

ඔබට මෙම සතියතුල පැනනගින බාධක හිරිහැර මර්දනය කරගෙන දෛනික කටයුතු උද්යෝගීමත්ව කරගෙන යාමට හැකිපරිදි ආත්ම විශ්වාසයක් ඇතිකර ගන්න. ආයෝජනවලින් ලාභ ලැබේ. වෙළඳ ව්‍යාපාර කරන අයට ඒවායින් දියුණුව ඇති වේ. නිෂ්ඵල දෙයට වියදම් වේ. විරුද්ධකරුවන්ගෙන් තරගකරුවන්ගෙන් හිරිහැර කරදර අවුල් ඇති වේ. දරු ශිෂ්‍ය ආදීන් නිසා සිතට දුක් හා කරදර මතුකරයි. ඇතැම් විට සතුරන්ද ඇතිවිය හැකිය.

මීන - අනපේක්ෂිත වස්තු ලාභයක්

මේ සතියේ මුල් දින හතර ඔබේ අපේක්ෂාවන් හා බලාපොරොත්තු කෙසේ හෝ ඉටුකර ගත යුතුය යන දැඩි අධිෂ්ඨානයෙන් යුතුව ඔබ කටයුතු කිරීම නිසා ඔබට එහිදී ප්‍රයෝජනවත් වැඩ කටයුතු රැසක් ක්‍රියාත්මක කළ හැකි වේ. පසුගිය දිනවල තමාගේ අත්‍යවශ්‍ය වැඩ කටයුතු සම්බන්ධයෙන් මෙතෙක් පැවති දුෂ්කරතා බොහෝදුරට මෙම කාලයේ අඩුවී යයි. බොහෝ දුරට මෙහිදී අනපේක්ෂිත වස්තු ලාභයක් හෝ මිල මුදල් ලාභයක් ඇතිවීමට ද අවස්ථාව ඇත.