මරු සිටින දිශාව : සඳුදා - වයඹ, අඟහරුවාදා - බටහිර, බදාදා - නිරිත, බ්‍රහස්පතින්දා - දකුණ, සිකුරාදා - ගිනිකොන, ශනිදා - නැගෙනහිර, ඉරිදා - උතුර

• රාහු  කාලය

30 සඳුදා- පෙ:ව: 07. 51 සිට පෙ:ව: 09. 21 දක්වා

31 අඟහරුවාදා- ප:ව: 03 .21 සිට ප:ව: 04. 51 දක්වා

01 බදාදා- පෙ:ව: 12- 21 සිට ප:ව: 01. 51 දක්වා

02 බ්‍රහස්පතින්දා- ප:ව: 01. 52 සිට ප:ව: 03. 22 දක්වා

03 සිකුරාදා- පෙ:ව: 10. 52 සිට දහවල්: 12. 22 දක්වා

04 සෙනසුරාදා- පෙ:ව: 09. 23 සිට පෙ:ව: 10. 53 දක්වා

05 ඉරිදා- ප:ව: 04.53 සිට ප:ව: 06- 23 දක්වා

• මේෂ - ජයග්‍රහණ අත්වන සතියක්

මෙය ඔබ අවංකව සතුටින් අන්‍යයන් සමග කටයුතු කරන සතියකි. නවීන ක්‍රමයකට අනුව ගේදොර මෙන්ම ව්‍යාපාරික ස්ථානයද අලුත්වැඩියා කිරීමටත්, අලංකාර කිරීමටත් සිත් ගෙනදෙයි. අධ්‍යාපන හා රැකියා කටයුතුවල යම් යම් වෙනස්කම් සිදුවෙයි. එමෙන්ම මෙතෙක් කල් හැදෑරූ විෂයයන් හෝ රාජකාරි ක්ෂේත්‍ර හදිසියේ වෙනස්කොට නව විෂයන් ඉගෙනීමට අවස්ථාව සැලසේ. 

• වෘෂභ - තරග විභාගවලින් ජය

විවිධ අවහිර බාධා ප්‍රමාදවීම් මධ්‍යයේ තම කාර්යය කටයුතු කර ගැනීමට සිදුවන පසුබිමක් යෙදේ. සතුරු කරදරයක් නිසා මිල මුදල් වියදම් කිරීමට හෝ ණයකරුවන් ඇත්නම් ඔවුන්ගෙන් කරදර ගෙනදීම වැනි ප්‍රශ්න මතුවීමේ ප්‍රවණතාවක් පවතී. රාජකාරිය කෙරෙහි මෙන්ම රැකී රක්ෂා ආයතනය තුළ වුව සිතේ කැලඹිලි ස්වභාවයක් ඇති කරයි. අවසන් දින දෙක රැකියාවෙන් උසස් වීමට කටයුතු පිළියෙල වේ.

• මිථුන  - කටයුතු සාර්ථක කර ගනී

ඔබට මෙම සතිය ශුභ අශුභ මිශ්‍රඵල ගෙනෙන සතියකි. කරන කියන අතගසන වැඩ සාර්ථක වුවත් ලැබීමට ඉපැයීමට වාසනාව උදාවුවත් ගනුදෙනු ප්‍රශ්න, අනපේක්ෂිත වියදම් ද යෙදෙන නිසා අවබෝධයෙන් අවධානයෙන් කටයුතු කරන්න. ගෘහ හා යුග ජීවිතයේ කටයුතු සම්බන්ධ ගැටලු ප්‍රශ්න මතුවීමේ ඉඩක්ද ඇත. මුල් දින දෙකේදී  ආදායම් තත්ත්වය යහපත් වී සතුරු කරදර තුරන් වී උත්සාහයෙන් හා අධිෂ්ඨානයෙන් තම අත්‍යවශ්‍ය කාර්ය කටයුතු සාර්ථක කර ගැනීමට හැකිවන්නේය.

• කටක - නවක මිතුරු මිතුරියන් මුණගැසෙයි

සතියේ මුල් දින 4 සුබදායී වන අතර අනාගත යහපත උදෙසා කාර්යයන් කිහිපයක් ගොඩනැගෙන්නේය. විශේෂයෙන් ඔබ අරඹන හා නිරත වන වැඩ කටයුතුවලින් දියුණුවක් පෙන්නුම් කරයි. වටිනා දේ මිලට ගැනීමට අවස්ථාව උදා වේ. නවක මිතුරු මිතුරියන් ඇසුරට ලැබේ. සතියේ අවසන් දින තුන තරමක් ශුභඵල හීන බැවින් සෑමදෙයක් කෙරෙහිම සැලකිල්ලෙන් විමසිල්ලෙන් කටයුතු කරන්න. මේ කාලයේ මිල මුදල්වලට මුල් තැනක් නොදී කටයුතු කරන නිසා තමාට ලැබෙන ආදායම අඩු වී යයි.                                                                                                                                         

• සිංහ - අන්‍යයන්ගේ දයාබරත්වය

මුදල් ලාභ මිත්‍ර ලාභ සැප පහසු දේ අත්කර ගැනීම විරුද්ධ ලිංගිකයන් සමග ඇසුර මානසික හා ගෘහ ජීවිත සතුට අභිවෘද්ධිය මෙම සතියේ සුබපල අතර දැක්වේ. සමූහ වැඩ සඳහා හොඳම කාලයයි. සාද හා විනෝද අවස්ථා ඇති වේ.  අන්‍යයන් ඔබට දයාබර වනු ඇත. එසේම ඔබට අලුත් බලාපොරොත්තු ඇතිකර ගැනීමටත් අවස්ථාව සැකසේ. වැඩ කටයුතු ඉහළ යයි. මිත්‍රයන්ගෙන් උපකාර ලැබේ.

• කන්‍යා - නිෂ්ඵල දෙයට වියදම්

දෛනික කටයුතු කෙරෙහි එතරම් ශුභ ඵලදායීබවක් ඇති නොවේ. කෑම බීම නරක් වීමෙන් සෑදෙන රෝග හදිසි අනතුරුවලින් සාදන තුවාල ආදියට හේතුයි. අනපේක්ෂිත ධන හානි වේ. නිෂ්ඵල දෙයට වියදම් වේ. විරුද්ධකරුවන්ගෙන් තරගකරුවන්ගෙන් හිරිහැර කරදර අවුල් ඇතිවේ. දරු ශිෂ්‍ය ආදීන් නිසාදුක් හා කරදරද ඇතැම් විට ඔවුන්ගේ කටයුතු වලටත් බාධා ඇති කළ හැකිය. මුදල් හෝ ද්‍රව්‍යමය අලාභහානිද සිදු වේ. පොදුවේ ඔබ මෙම සතිය තුළ මේවා කෙරෙහිත් සිත යොමන්න. 

• තුලා - ආරවුල් ඇති කර ‍නොගන්න

සඳුගේ ගමන සුබදායක නොවන නිසා ණය ගනුදෙනුවලදීත් සිත් තැවුල් හා භය ඇති වේ. වියදම් අධික වේ. ආරවුල් ඇතිනොකර ගන්න. පවුලේ අයගේ අසනීප ආදියට වෙහෙසෙන්ට ද සිදු වේ. නඩු හබවලින් බේරෙන්නට වැඩ කිරීම සඳහා නීතියේ ලියකියවිලි වලට බලපත්‍රවලට අත්සන් තබන්නට සිදු වේ. සතුරන්ගෙන් ප්‍රවේසම් විය යුතුයි. ධන හානිද ඇති වේ. මුල් දින දෙක සමස්තයක් වශයෙන් ගත් කල තම බලය ද ආදායමද වර්ධනය වීමට කටයුතු පිළියෙල වේ. ලැබෙන්නට හෝ ලැබීමට තිබෙන මුදල් ලාභයක් කෙරේ විශේෂයෙන් බලාපොරොත්තු තබා ගැනීමට හැකි වේ. 

• වෘශ්චික - ගිවිසුම් සම්මුතිවලින් ප්‍රයෝජන

දුෂ්කර අසීරු ගැටලු ප්‍රශ්න නිරාකරණයට සිත වෙහෙසවීමට හොඳ සතියක්. ඔබගේ අදහස් ප්‍රබල ලෙස එහෙත් සන්සුන් ලෙස ඉදිරිපත් කරන්න. ශරීර නිරෝගීතාව ඇති වේ. ගිවිසුම් අත්සන් කිරීමට යහපත්ය. අරමුණු ඉටු වේය යන විශ්වාසයක් එවිට ඇති වනු ඇත. ගිවිසුම් සම්මුති වෙළෙඳ ව්‍යාපාර ප්‍රසිද්ධ දේශන ප්‍රයෝජනවත් වීමට ඉඩ ඇත. උද්‍යෝගය තියුණු සිත ලිපි හුවමාරුවෙන් ප්‍රයෝජන බුද්ධිමත් පරීක්ෂාකාරී සැලසුම් ඇති කරයි.

• ධනු - සමාජයෙහි තම තත්ත්වය උසස් වෙයි

තමාගේ ක්‍රියාකලාපය අන්‍යයන් වෙත බලපෑමට නතුකර ගැනීමට කදිම සතියක් වන මෙම සතියෙහි ඔබ පුද්ගල කරුණු කෙරෙහි වැඩි සැලකිල්ලක් දක්වනු ඇත. ගතට සිතට සැපත සතුට ගොඩනැගෙන අයුරින් ගතවෙයි. අනුන්ගෙන් ප්‍රශංසා, හොඳ නාම ලැබේ. අලංකාර වස්තු ලැබීමෙන් සිත් ප්‍රීතිය උපදවයි. සමාජයෙහි තම තත්ත්වය උසස් වේ. දූ දරු ශිෂ්‍යයන් පිළිබඳ ප්‍රීතිය ගෙන දේ. අලුත් ඥාති මිත්‍රයන් ලැබේ. සුඛෝපභෝගී දේ මෙන්ම ධන ලාභද ලැබෙනවා ඇත. 

• මකර - ගතට සිතට සැපත සතුට

ඔබ මෙය උද්‍ගයෝගිමත්ව ධෛර්යයෙන් දෛනිකය කටයුතුවල නියුතුවන සතියකි. මුල් දින දෙකෙන් පසු ගතට සිතට සැපත සතුට දනවන දේ සිදු වේ. සිතට කයට සැනසිලි දායකයි. ධනලාභ ලැබේ. උසස් අයගෙන් උපකාරද, සැලකිලිද ලාභ ප්‍රයෝජනද ලැබෙන දින 5කි. තම තත්ත්වයද තිබුණාට වඩා උසස් වේ. වෙ‍ළෙඳ ව්‍යාපාර ගෙන යන අයට විශේෂ දියුණුවක් ලැබේ. මුල් දින දෙක සතුරන් සමග අවුල්ද මතුවිය හැකිය. නඩු හබ හෝ නීතියෙන් පිහිට සෙවීමට කරුණු සැලසෙන්නටද ඉඩ තිබේ.

• කුම්භ - මුදල් පිළිබඳව ලාභ

ඔබට මෙම සතිය තුළ අනුන්ගෙන් ගරු නම්බු ලැබේ. තනතුරුවලට පත්වේ. එබැවින් මෙය ඔබට වාසනාවන්ත සතියකි. ආදායම වැඩිදියුණු වේ. හිත මිතුරන් හා ආශ්‍රය ඇති වේ. තමාගේ කාර්්‍යයන්ට ආණ්ඩුවෙන් හෝ රජයේ උසස් නිලධාරීන්ගෙන් සැලකිලි ලැබේ. අසනීපවලින් සුවය ලැබේ. ගෙදර දොර වාසනාව ඇති වේ. මුදල් පිළිබඳව ලාභ ලැබේ. බලාපොරොත්තු ඉෂ්ට වේ. අලුත් දේ ඉගෙනීමට මෙන්ම නව වැඩපිළිවෙළක් ඇරඹීමටත් අවස්ථා ගොඩනැගේ.

• මීන - තනතුරුවලින් උසස්වීම්

ඔබට මෙම සතිය ශුභදායක ලෙස ගතවෙයි. ගෞරව සැලකිලිද, නම්බුවද වැඩි වැඩියෙන් ලැබෙන කාලය මෙයයි. අලුත් උසස් තත්ත්වයකට පැමිණේ. වෙ‍ළෙඳ ව්‍යාපාර කටයුතු කෙරෙන් වැඩිදියුණුව ඇති වේ. රජයේ රැකියාවල නියුක්ත අයට වැඩිපුර ගරු සැලකිලිද නම්බුවද ලැබෙනවත් හැර තනතුරුවලින් උසස්වීම්ද නියමයි. ලාභ ප්‍රයෝජන ලැබෙන කාලයකි. තම වුවමනාවන් පිරිමසා ගැනීමට අවශ්‍ය ප්‍රමාණයට මුදල් ලැබෙනවා ඇත. සතියේ වැඩි දින ගණනක් සිත සැහැල්ලුවෙන් ගතවෙයි.

• ජ්‍යෝතිෂවේදී බෙන්තොට - හේමන්ත වීරසිංහ.