මරු සිටින දිශාව : සඳුදා - වයඹ, අඟහරුවාදා - බටහිර, බදාදා - නිරිත,
බ්‍රහස්පතින්දා - දකුණ, සිකුරාදා - ගිනිකොන, ශනිදා - නැගෙනහිර, ඉරිදා - උතුර

රාහු කාලය

27 සඳුදා- පෙ:ව: 07. 59 සිට පෙ:ව: 09. 29 දක්වා

28 අඟහරුවාදා- ප:ව: 03 .29 සිට ප:ව: 04. 59 දක්වා

29 බදාදා- පෙ:ව: 12- 29 සිට ප:ව: 01. 59 දක්වා

30 බ්‍රහස්පතින්දා- ප:ව: 01. 59 සිට ප:ව: 03. 29 දක්වා

31 සිකුරාදා- පෙ:ව: 10. 59 සිට දහවල්: 12. 29 දක්වා

01 සෙනසුරාදා- පෙ:ව: 09. 29 සිට පෙ:ව: 10. 59 දක්වා

02 ඉරිදා- ප:ව: 04.59 සිට ප:ව: 06- 29 දක්වා

• මේෂ - හදිසි මුදල් හිමිකමක්

පවුලේ අය මෙන්ම ඇසුරුකරන්නන් සමග ප්‍රීතිමත්ව හා සතුටින් සෙනෙහසින් සතිය ගතකිරීමට අවස්ථාව සැලසේ.. එසේම මෙය ආර්ථික අතින් යහපත් සතියක් වන අතර හදිසි මුදල් හිමිකමක් ,ලොතරැයි ජයග්‍රහණයක් ආදියට හිමිකම් ඇති බවක් පෙන්නුම් කරයි.  රැකියා ව්‍යාපාර පිළිබඳ සතුටට පත් විය හැකි අන්දමේ කරුණු කීපයක් ඇති වෙයි. සහෝදර උපකාරයක් ඇතිව කටයුතු කීපයක් සාර්ථක කර ගැනීමට හැකිවෙයි. දියුණුව අදාළ සියලු ක්‍රියාවන්ගෙන් ජය ආදිය ඇති කෙරේ.

• වෘෂභ - වාසිසහගත සතියක්

ඇවිදිලි සංචාරයන්ට අදාල ජංගම රැකියාවල නියුතු වූවන්ට,  ව්‍යාපාරික කටයුතුවල යෙදෙන්නන්ට මෙම සතිය ඉතා වාසිසහගත සතියකි. එනමුදු ඔබට මෙම සතිය සුබ අසුබ මිශ්‍රපල ගෙනදීමක් පෙන්නුම් කරයි.  වරින් වර ප්‍රීතිමත් ගමන් ඇති වේ. ගරු සැලකිලි ලැබේ. විනෝදයට සිත ඇදී යයි. එවැනි දේ සමගම හදිස්සියේ සිදුවන දේපල ගනුදෙනුවක් හේතුවෙන් නොසිතූ ගැටලුදායක තත්වයකට මුහුණ පෑමට සිදුවෙයි. සතිය මැද කාලයේදී වරින් වර ඇති කරන උදර ආබාධයක් හේතුවෙන් ප්‍රතිකාර ලබා ගැනීමට සිදුවන බවක් පෙන්නුම් කරයි.

• මිථුන -  තම වැඩට අන අයගේ ප්‍රසාදය

මිථුන ලග්නය හිමි ඔබට මෙම සතිය ශුභදායී අයුරින් ගතවුවත් ගමන් බිමන් වලදී ආරක්ෂාව යොමුකළ යුතු අතරම අපරික්ෂාකාරී කටයුතු වලට සම්බන්ධ නොවන්න. බොහෝ කටයුතුවලින් තමා බලාපොරොත්තුවන ප්‍රතිඵල ලැබේ. එසේම මෙය ඔබ පවුලේ අය සමග මිත්‍රශීලීව, සුහදශීලීව කටයුතු කිරීමට පෙළෙඹෙන සතියක් වන අතර ඔබගේ කාර්යාලයේ, වැඩබිමේ, ව්‍යාපාරික ස්ථානයේ සෙසු අය සමගත් සුහදශීලීව කටයුතු කිරීමෙන් ඔබට ඒ අයගේ ප්‍රසාදය දිනා ගැනීමටත් මෙහිදී හැකිවෙයි.

• කටක - සතුරු උපද්‍රවයක් යටපත් වෙයි

ඔබේ ලග්නය පරිදි මෙම සතිය තුළදී ඔබගේ මානසිකත්වය ආත්මශක්තිය වර්ධනය කරගෙන අභියෝග මැඩගෙන සමාජයට මුහුණ දීමට අදිටන් කරගන්න. එමගින් තමා කෙරෙහි යහපත් ප්‍රතිරූපයක් පවුල කෙරෙන් හා සමාජයේ විවිධ පුද්ගලයන් අතර ගොඩනැගෙනු ඇත. නැතහොත් ගේදොර කටයුතු හා ව්‍යාපාරික කටයුතු තමාගේ අකර්මන්‍ය සැලසුම් නිසා අසහනදායී අයුරින් කරගෙන යාමට සිදුවෙයි. එනමුදු මෙහිදී ඔබට ඔබගේ අධ්‍යාපන, රැකියා මෙන්ම ඉපැයීම් ක්ෂේත්‍රයට බලපෑ සතුරු උපද්‍රව බොහෝමයක් යටපත් කරගත හැකි වේ.

• සිංහ - වැඩ කටයුතු ක්‍රමවත් ලෙස  සිදුවෙයි

ගනුදෙනුවක් නිසා සිතේ නොසන්සුන්තාවයකින් කටයුතු කරන සතියක් වන අතර අවිවේකී වුවත් වැඩ කටයුතු ක්‍රමවත් ලෙස කරගෙන යෑමට හැකිවන අන්දමේ කටයුතු කීපයක් සැලසේ. එවැනි දේ සමගම ඔබගේ රැකියා කටයුතුවලදී ඔබ මන්දොත්සායිභාවයට පත්වන අතර කාර්යාලයේ, ආයතනයේ, වැඩබිමේ කාගේත් පැසසුමට ලක්වන ලෙසට වැඩකරන්නට හැසිරෙන්ට උපක්‍රමශීලී වන්න. පවුලේ කටයුතුවලදීත් ප්‍රවේශමෙන් කටයුතු කළ යුතුයි. නිවසේ අනවශ්‍ය ගැටුම් ඇති විය හැකි බැවින් අවධානයෙන් කටයුතු කරන්න.

• කන්‍යා - ඇසුරට අලුත් හිතවතකු හමුවෙයි

හදිසි සැලසුම් කීපයක් වෙනසකට ලක්වන සතියකි. හවුලට අලුත් සාමාජිකයෙක් එක්වීමෙන් මෙතෙක් නොවිසඳුණු ගැටලුවක් විසඳා ගැනීමට මාර්ගය පෑදේ. වාහන ගමන් පිළිබඳ වෙනදාට වඩා සැලකිලිමත් වන්න. හදිස්සියේ ඇතිවන උදරාබාධයක් හේතුවෙන් රෝහල් ගත වීමක් සිදු කරයි. වෙනදාට වඩා ගේ දොර කටයුත පිළිබඳ සැලකිලිමත් වන්න. අලුත් හිතවතකු හමුවීමට මඟ සැලසෙන සතියකි. ජලය සම්බන්ධ කටයුතු වලින් මේ සතියේ පරිස්සම් වීම වැදගත් වේ.

• තුලා - විකිණීම් මිලයට ගැනීම්වලින් පාඩු

මිශ්‍රඵලදායක ලෙස උදාවන මේ සතියේ නිවාස, දේපල, යාන වාහන ආශ්‍රිත කටයුතුවලින් හා විකිණීම් මිලයට ගැනීම් ආදී කාර්යන්ගෙන් තමාට අවාසි සහගත තත්ත්වයක් අත්වන අතර එදිනෙදා නිරත කටයුතුවල ප්‍රගතියක් ද පෙන්නුම් නොකරයි. තම වැඩ කටයුතුවලට අවශ්‍ය අයගේ උසස් අයගේ ආධාර උපකාර ද අඩුවන නිසාත් තමාගේ හා පවුලේ අනාගත ශුභ සිද්ධිය සඳහා විධිමත් වැඩපිළිවෙළක් සැකසීමටත් මෙහිදී ඔබ ක්‍රියාකරන්න.

• වෘශ්චික - නිකරුනේ කරන වියදම් වැඩිවෙයි

මුදල් ගනුදෙනුවක් හේතුවෙන් නොසිතූ අවුලකට පත් වෙමින් සතිය ආරම්භ වන අතර පවුලේ කෙනකු නිසා මනසට පීඩාකාරී වක් ඇති කරන සිද්ධියක් ද මතුවෙයි. නෑදෑ හිතවතුන් ඇසුරු කිරීමේදී කල්පනාකාරී වීම වැදගත් වේ. එමෙන්ම අසල්වැසියකු නිසා නොසිතූ කරදරයකට පැටලීමට ඉඩ ඇත. නිකරුනේ කරන වියදම් වැඩි වන බවක් පෙනේ. වරින් වර ඇති කරන පපුවේ ආබාධයකට ප්‍රතිකාර ලබා ගැනීමට සිදුවීමෙන් යොදාගත් සැලසුමක් කල් දැමීමට සිදුවේ. සති අන්තයේදී පවුලේ කෙනකුගේ හිතුවක්කාරකමක් හේතුවෙන් පවුලේ මතභේදයක් දුර දිග යාමට ඉඩ ඇත.

• ධනු - නවකයින් සමග ඇසුර

අවිවේකී වුවත් කටයුතු කීපයක් සාර්ථක කර ගැනීමට හැකි වන සතියක් වන අතර නිතර වයසින් අඩු අය සමග ඇසුරට අවස්ථාව උදාකරයි. සතිය පුරා තනිව කටයුතු කිරීමට හුදෙකලාව සිතමින් කාලය ගෙවයි. සහෝදරයෙකුගේ කටයුතු නිසා නිතර නිවසින් බැහැරව කටයුතු කිරීමට සිදු වේ. විශේෂයෙන් ඔබ දැඩි අධිෂ්ඨානයකින් හා කැපවීමෙන් යුතුව ගෘහ ජීවිතයේ මෙන්ම තමා නිරත රැකියා ව්‍යාපාරවල කටයුතු නව මුහුණුවරකින් වෙනසකින් යුක්තව කරගෙන යාමට පවත්වාගෙන යාමට අදිටන් කරගන්න.

• මකර - විකිණීම් මිලයට ගැනීම් වලින් වාසි

නීති කටයුත්තකට අත ගසමින් සතිය ආරම්භ වන මකර ලග්න හිමි ඔබට තරග විභාගයක් වෙනුවෙන් වෙහෙසීම් ඇති කරන සතියක් ද බව කිව යුතුයි. පවුලේ වගකීමකින් ඈත් වීමට සිදුවෙයි. නිතර තමා සොයා එන කෙනෙකු නිසා කරදරකාරී බවක් ඇති කරයි. නොසිතූ ගැටලුවකට මුහුණ පෑමට සිදුවීමෙන් තැන්පත් ධනය වැයවීමට ද ඉඩ ඇත. නිවාස, දේපල, යානවාහන කටයුතු වලින් හෝ විකිණීම් මිලයට ගැනීම් ආදි කටයුතුවලදී වාසිසහගත දේ සිදු වේ. විසිතුරු දෑ කෙරෙහි සිත ඇදී යන සතියකි.

• කුම්භ - සැලසුමක් සාර්ථක කර ගනී

අවිවේකී වුවත් යොදාගත් සැලසුමක් සාර්ථක කර ගැනීමට හැකි වෙන සතියක් බව කිවයුතුයි. ආර්ථිකමය ලාභප්‍රයෝජන සැකසී සිත්ගත් අයගේ මෙන්ම විරුද්ධ ලිංගිකයන්ගේ සමාගමය ආදිය ලැබේ. අනාගත දියුණුව උදෙසා පවුලේ කටයුතු කීපයක වෙනස්කම් කීපයක් ද සිදුවීමට ඉඩ ඇත. මුදල් ගනුදෙනුවක් හේතුවෙන් හටගෙන තිබූ මත භේදයක් විසදා ගැනීමට අවස්ථාව සැලසේ. තම අරමුණු සපුරා ගැනීම සඳහා ක්‍රිියාශීලී වන අතර අරමුණු ජය ගැනීමේ ඉලක්ක සාර්ථක ලෙස මෙහෙයවීමටත් ඔබට මෙහිදී හැකියාව ලැබේ.

• මීන - විශේෂ පුද්ගලයකුගේ ඇසුර

සැලසුම් සහගත කටයුතු කීපයකට අත ගසමින් සතිය ආරම්භ වන අතර එසේම ශාරීරික වෙහෙස ගෙන දෙන අන්දමේ කටයුතු කීපයක් ද ඔබට අතරින් පතර යෙදේ. විශේෂ පුද්ගලයකුගේ ඇසුරට පත්වීමෙන් නිතර පිනට දහමට ලැදිව කටයුතු කරයි. සතිය අවසන් දින 2 දී නොසිතූ ලෙස විශ්වාසය බිඳ වැටීමක් හේතුවෙන් සිත් කලකිරීමක් ඇති කරයි. රැකියා කටයුතුවලදී ඔබ මන්දොත්සායිභාවයට පත්වන හෙයින් එබැවින් කාර්යාලයේ, ආයතනයේ, වැඩබිමේ කාගේත් පැසසුමට ලක්වන ලෙසට වැඩ කිරීමට උපක්‍රමශීලී වන්න.

• බෙන්තොට-හේමන්ත වීරසිංහ.