මරු සිටින දිශාව : සඳුදා - වයඹ, අඟහරුවාදා - බටහිර, බදාදා - නිරිත, බ්‍රහස්පතින්දා - දකුණ, සිකුරාදා - ගිනිකොන, ශනිදා - නැගෙනහිර, ඉරිදා - උතුර

රාහු  කාලය

20 සඳුදා- පෙ:ව: 07. 58 සිට පෙ:ව: 09. 28 දක්වා
21 අඟහරුවාදා- ප:ව: 03 .28 සිට ප:ව: 04. 58 දක්වා
22 බදාදා- පෙ:ව: 12- 28 සිට ප:ව: 01. 58 දක්වා
23 බ්‍රහස්පතින්දා- ප:ව: 01. 59 සිට ප:ව: 03. 29 දක්වා
24 සිකුරාදා- පෙ:ව: 10. 59 සිට දහවල්: 12. 29 දක්වා
25 සෙනසුරාදා- පෙ:ව: 09. 29 සිට පෙ:ව: 10. 59 දක්වා
26 ඉරිදා- ප:ව: 04.59 සිට ප:ව: 06- 29 දක්වා

• මේෂ - සෙම් ආසාදනවලින් පීඩා

කලබලකාරී ගති පැවැතුම් ඇති කරමින් සතිය ආරම්භ වන මේෂ ලග්න හිමි ඔබ සැලසුම් කරන දෙයට වඩා නොසිතන නොපතන පැති හා ක්‍රමෝපායන් මගින් අනාගත සුබසිද්ධියට හේතුවන ශුභඵල ගෙනදීමට ඉවහල්වන සතියක් බව ද කිව යුතුයි. සති අන්තයේදී පවුලේ අයගේ දෝෂාරෝපණයට ලක්වීමට ඉඩ ඇත. තමාගේ අත්‍යවශ්‍ය  කටයුත්තකට මුදල් හුවමාරුවක් කර ගැනීමට සිදුවන සතියකි. 

• වෘෂභ - විරුද්ධ ලිංගිකයන්ගෙන් විශේෂ උදව්

අන් අයගේ සිත් දිනා ගනිමින් තමාගේ දෛනික කටයුතු කරගෙන යා හැකි සතියක් බවට මෙම සතිය පත්කරගන්න. එසේම ඔබ මෙම සතිය ප්‍රවේසම් සහගතව සහ ඉවසිලිවන්තව කටයුතු කරයි. යමක් සිදුවීමට පෙර දුර සිතා බලා බයවෙන ගතියක් ඇති වේ. අවිවාහකයන්ට ප්‍රේමසබඳතාවල හා මංගල යෝජනා ආදියේ බලාපොරොත්තු සාර්ථක කරගත හැකිය. තම කටයුතු ක්‍රියාවන්ට විරුද්ධ ලිංගිකයන්ගෙන් විශේෂ උදව් උපකාර ලැබේ. 

• මිථුන - ගේ දොර කටයුතුවල වෙනස්කම් කීපයක්

මෙය ඔබට ලැබීම් අතින් යහපත් සතියක් වන්නේ නමුදු පවුලේ කටයුතු පිළිබඳ වෙනදාට වඩා වෙහෙසීමට සිදුවන්නේය. විශේෂ වරප්‍රසාද කීපයකට හිමිකම් ඇතිවෙයි. දුර ගමන් බහුල සතියක් වන නිසා ඒ පිළිබඳ සැලකිලිමත්වීමට වැදගත් වේ. පොදුවේ මෙය ගේ දොර කටයුතුවල වෙනස්කම් කීපයක් සිදුකරන සතියක් ද වන්නේය. සති අන්තයේදී අලුත් වාහන මිලදී ගැනීමකට හෝ හුවමාරුවකට කටයුතු සැලසෙයි.

• කටක -  අතමිට සරුවෙන සතියක්

පැරණි හිතවත්කමක් අලුත් කරමින් සතිය ආරම්භ වන කටක ලග්න හිමි ඔබ විශේෂ සැලසුමක් වෙනුවෙන් කටයුතු සූදානම් වන බවක් ද පෙනේ. තම වැඩට පවුලේ අයගේ උදව් උපකාර ද හිමිවනබවක් පෙන්නුම් කරයි. හදිසි ගමනක් හේතුවෙන් යොදාගත් වැඩපිළිවෙළක් වෙනසකට ලක් කරයි. නිතර ශාරීරික වෙහෙස ගෙන දෙන කටයුතු ඇති වේ. සති අන්තයේදි පවුලට අලුත් සාමාජිකයෙක් එක් වනබවක් පෙන්නුම් කරයි. ව්‍යාපාරවල නිරත වෙන්නන්ට අතමිට සරුවෙන සතියකි.

•        සිංහ - තම වැඩට අනුන්ගෙන් සහයෝගය

ගෙදර දොර පවුලේ වගකීම් තමා පිට පැවරෙමින් සතිය ආරම්භ වන අතර නිතර ඇවිදිලි වැඩි කරනබවක් ද පෙන්නුම් කරයි. මෙතෙක් බාධා ගෙන දුන් ඉඩම් ගනුදෙනුවක් සාර්ථක වන ලකුණු පෙන්නුම් කරයි. ඇවිදිමින් කරන හෙවත් ජංගම රැකියාවල නියුතු අයට බොහෝ ප්‍රතිඵල ලැබේ. තම වැඩ කටයුතුවලට හා ඉපැයීම් ක්ෂේත්‍රයට මවුපියන්ගේ, විවාහ සහකරුගේ, දරුවන්ගේ, හිත මිතුරන්ගේ මනා සහයෝගය ලැබේ.

• කන්‍යා - සිතට සතුට දනවයි

මෙය ඔබට ලැබීම් අතින් යහපත් සතියක් වන අතර, පසුගිය දිනවල බලපෑ පවුලේ ගැටලුකාරීබවක් සමථයකට පත්වන අන්දමේ කටයුතු කීපයක් සිදුවෙයි. ගනුදෙනුවකට අදාළව හටගත් ගැටලුවක් ද විසඳා ගැනීමට හැකි වේ. නැති වූ දෙයක් නැවත ලබා ගැනීමට කටයුතු සැලසේ. පවුලට අලුත් සාමාජිකයෙක් එක්විය හැකි කාලයකි. මෙම සතියේදී වාහන ගනුදෙනුවකට අත ගැසීමෙන් නොසිතූ වාසියක් අත් කරයි. ආයෝජන කටයුත්තකට අවශ්‍ය පරිදි මුදල් ලාබයක් ද ඔබට හිමිවීම පෙන්නුම් කරයි.  සිතට සතුට දනවන දෙයක් සිදු වේ.

• තුලා - රැකියාවන් ප්‍රචලිත වෙයි

සතිය ආරම්භක දින දෙක වෙනදාට වඩා සිතේ නොසන්සුන්තාවකින් කටයුතු කරනබවක් පෙන්වයි. එහෙත් වාසි සැලසෙන හදිසි ගමන් කීපයක් යෙදෙන සතියකි. දක්ෂතා මතු වේ, හැකියාවන්ගෙන් ඉහළට යෑමක් පෙන්නුම් කරන අතරම මෙය වෘත්තීමය දියුණුවේ දොරගුළු විවර කිරීමට සමත් වෙයි. ස්වයං රැකියා මෙන්ම තම දැනුමෙන් කරන රැකියා ප්‍රචලිත වෙයි. ඔබේ දක්ෂතා කෙරෙහි ආයතන ප්‍රධානීන්ගේ අවධානය යොමුවීමෙන් ඔබේ මතු දියුණුවට මගක් පෑදේ. 

• වෘශ්චික - අහිමිව තිබූ දෙයක් නැවත හිමිවන ලකුණු

මෙය වෙනදාට වඩා සැනසිලිදායක සතියක් වන අතර උත්සාහයෙන් මෙන්ම වගකීමෙන් කටයුතු කර ජයග්‍රහණ රාශියක් ද අත්පත්කර ගැනීමට සමත්වෙයි. ඒත් සමගම ඉපැයීම් කටයුතු වෙනුවෙන් කැපවී කටයුතු කිරීමට ද සිදු වේ. මෙතෙක් තමාට අහිමිව තිබූ දෙයක් නැවත හිමිවන ලකුණු පෙන්නුම් කරයි. ඔබ විවාහ වන වයසේ පසුවන අයකු නම් ඉතා වාසනාවන්ත විවාහයකට හිමිකම් ඇති කරයි. සතිය මැද කාලයේදී විදෙස් ලැබීමක් හේතුවෙන් මෙතෙක් අඩුපාඩුවක්ව පැවැති කටයුතු කීපයක් සාර්ථක කර ගැනීමට මග සැලසේ.

• ධනු - රාජකාරිය පිළිබඳ සතුට උපදවයි

පසුගිය දිනවල රාජකාරිය කෙරෙන් පැවති නොසන්සුන්කාරී කටයුතු කීපයක් මෙම සතියේ දි පහව යයි. රැකියාවේ කටයුතු සම්බන්ධ සුබදායක පුවතක් අසන්න ලැබේ. සතිඅන්ත දිනවලදී තමා සතු දෙයක් නැතිවීමට ඉඩ ඇති බැවින් ඒ පිළිබඳ සැලකිල්ලෙන් කටයුතු කරන්න. ආර්ථිකයට හේතුවන හා රාජකාරිය පිළිබඳ සතුටට පත්විය හැකි අන්දමේ පුවතක් අසන්න ලැබේ. මෙතෙක් ප්‍රමාද වූ ගනුදෙනුවක් සාර්ථක වන ලකුණු පෙන්නුම් කරයි.  

• මකර - අන්‍යයන්ගේ සිත් දිනා ගනී

ඔබට මවගේ සහ මවුපස නෑයින්ගේ සිත් දිනා ගනිමින් කටයුතු කිරීමට හැකියාව ලැබෙනු ඇත. ගේ දොර පරිසරය අලංකාරව සහ සුවදායී ලෙස තබා ගැනීමෙන් සතුටට පත් වේ. ගමන් බිමන් යන්නේ නම් සුඛෝපභෝගී යාන වාහන සඳහා සිත යොමු වේ. තම දැනුම සහ අදහස් මෙහෙයවා කරන රැකියා, ව්‍යාපාර හෝ වෙනත් කටයුතුවලින් ලැබීමේ වාසනාව ගෙනදෙන සතියකි.

• කුම්භ - නිතර ඇවිදිලි ඇති කරන සතියක්

නිතර ඇවිදිලි ඇති කරන සතියක් වන අතර මේ සතියේ දී පවුලේ දේපළ හෝ නැතහොත් තමා පදිංචි ස්ථානයට අදාළව මතුවන ගැටලුසහගත සිද්ධියක් නිසා සිතේ නොසන්සුන්තාවකින් කටයුතු කිරීමට සිදුවෙයි. අමතර කටයුතුවලට බාධාකාරීබවක් ඇති කරයි. යටපත් වූ සෙම් රෝගයක් නැවත මතුවන ලකුණු පෙනේ. නිතර ගත සිත වෙහෙසා කරන කටයුතු අධික කරයි. රැකියාවේ කටයුතු සම්බන්ධ වගකීම් වැඩි වන අන්දමේ කටයුතු කීපයක් සිදුවෙයි. රැකියාව කෙරෙන් ප්‍රගතියක් අත්වන යමක් ද සිදුවෙයි.

• මීන -  අමතර මුදල් වියදම්

මෙය රැකියාවේ තනතුරු මාරුවක් හේතුවෙන් සිතේ නොසන්සුන්තාවක් ඇති කරන සතියක් වන නමුදු විදෙස්ගතවීමේ බලාපොරොත්තුවක් ඉටුවන ලෙසට වැඩ සැකසේ. ඥාතියෙකු සමග එකට එක්ව කරන්නට ගිය වැඩකටයුත්තකට අදාළ බලාපොරොත්තුවක් කල් දැමීමට සිදුවීමෙන් සිතේ අසහනකාරීබවක් ඇති කරයි. අලුත් ගේ දොර ඉදිකිරීමක් පිළිබඳ බලාපොරොත්තුවක් ඉටුවන සතියකි. මෙතෙක් අමනාපයෙන් සිටි කෙනකු සමග මිතුරුවීමට අවස්ථාව උදාකරයි.

• ජ්‍යෝතිෂවේදී බෙන්තොට - හේමන්ත වීරසිංහ.