මේ සතිය ඔබට - නොවැම්බර් 11 සඳුදා සිට නොවැම්බර් 17 ඉරිදා දක්වා
මරු සිටින දිශාව : සඳුදා - වයඹ, අඟහරුවාදා - බටහිර, බදාදා - නිරිත,
බ්‍රහස්පතින්දා - දකුණ, සිකුරාදා - ගිනිකොන, ශනිදා - නැගෙනහිර, ඉරිදා - උතුරරාහු කාලය
11 සඳුදා - පෙ:ව: 07. 30 සිට පෙ:ව: 09. 00 දක්වා12 අඟහරුවාදා - ප:ව: 03 .00 සිට ප:ව: 04. 30 දක්වා13 බදාදා - පෙ:ව: 12- 00 සිට ප:ව: 01. 30 දක්වා14 බ්‍රහස්පතින්දා - ප:ව: 01. 31 සිට ප:ව: 03. 01 දක්වා15 සිකුරාදා - පෙ:ව: 10. 31 සිට දහවල්: 12. 01 දක්වා16 සෙනසුරාදා - පෙ:ව: 09. 01 සිට පෙ:ව: 10. 31 දක්වා17 ඉරිදා - ප:ව: 04.32 සිට ප:ව: 06- 02 දක්වා
- මේෂ - අනාගත ශුභ සිද්ධියට වැඩපිළිවෙළක්
මෙම සතියේ මැද දින තුන හැර සෙසු දිනවලදී ඔබ එදිනෙදා නිරත කටයුතුවල හෙවත් තම දෛනික කාර්යයන්හි ප්‍රගතියක් පෙන්නුම් කරයි. තම වැඩ කටයුතුවලට අවශ්‍ය අයගේ මෙන්ම උසස් අයගෙත් ආධාර උපකාර ද මෙහිදී ඔබට නොඅඩුව ලැබේ. ඒ වගේම තමා නිරත රැකියා ව්‍යාපාරවල කටයුතු වල අනාගත ශුභ සිද්ධිය සඳහා විධිමත් වැඩපිළිවෙළක් සැකසීමටත් ඔබ ක්‍රියාකරන සතියක් බවත් කිව යුතුයි. හිතේ හටගෙන තිබූ කලබලකාරී තත්ත්වයක් අසහනකාරී ස්වභාවයක් ද පහවී ගොස් සැනසිලිදායක බවක් ඇති වේ.
- වෘෂභ - නව රැකියා ආදායම් මාර්ගයක්
විශේෂයෙන් ඔබ දැඩි අධිෂ්ඨානයකින් හා කැපවීමෙන් යුතුව ගෘහ ජීවිතයේ මෙන්ම තමා නිරත රැකියා ව්‍යාපාරවල කටයුතු නව මුහුණුවරකින් කරගෙන යාමට පවත්වාගෙන යාමට සමත්වන සතියක් වන අතර දෛනික ඉපැයීමි මාර්ගයේ හෝ වේවා තම ජීවනෝපාය මාර්ගයට අදාල ආදායම් තත්ත්වය සතුටුදායක බවට පරිවර්තනය වීමක්ද ඔබට ගෙනදෙන සුබදායී ප්‍රතිඵල මෙම සතිය තුළ පෙන්නුම් කරයි. හිතවතෙකුගේ ආධාර ඇතිව නව ආදායම් මාර්ගයක් ආරම්භ කිරීම සඳහා කටයුතු පිළියෙල වේ.
- මිථුන - ස්වාමි පක්ෂයේ ප්‍රසාදය
ඔබට මෙම සතියේ අවසන් දින පහ තුළ සමාජයේ උසස් අය යටතේ වැඩවල නියුතු අයට තම ස්වාමි පක්ෂයේ ප්‍රසාදය ලබා ගන්නට හැකියාව ලැබෙන අතර පොදු සමාජීය කටයුතුවලටත් වැඩි වශයෙන් සම්බන්ධ වී කටයුතු කිරීම නිසා ප්‍රසාදය මෙන්ම විවිධ ලාභ ප්‍රයෝජන ද ලැබේ. පවුලේ කටයුතු, අධ්‍යාපන හා තමා නිරත රැකියා ව්‍යාපාර ආදියේ කටයුතු බාධාවකින් තොරව මෙම දිනවල පවත්වාගෙනයාමටත් කරගැනීමටත් හැකියාව ලැබේ.
- කටක - වගකීම් සහගතවන්න
කටක ලග්නයෙන් උපන් ඔබට මේ සතියේදී එතරම් සුබදායී බවක් පෙන්නුම් නොකරයි. තමාට හෝ අඹු දරු ආදී පවුලේ කෙනෙකුට හෝ අසනීපයක් පීඩාවක් ඇතිවිය හැකිය. රාජකාරී කරන තැන හෝ වේවා වෙනත් අයුරකින් හෝ වේවා උසස් අයගෙන් ස්වාමියන්ගෙන් කරදර ඇති වේ. ලේ දෝෂ, අධික සෙම, උණ ආදී ආබාධ සහ අර්ශස් ආබාධ පැන නැගීමට පුළුවන. වංචාසහගත අයට අසුවිය හැකියි. වෙහෙස ඇති දුෂ්කර ගමන්ද යෙදේ. අවසන් දින දෙක ගතට සිතට සහනය සතුට ගෙනදෙන අයුරින් ගත වේ.
- සිංහ - අවබෝධයෙන් ක්‍රියාකරන්න
ඔබට මේ සතිය ශුභ අශුභ මිශ්‍ර අයුරින් ගත වේ. සතියේ මුල්දින හතර තුළ ව්‍යාපාරික ස්ථානය හෝ හවුල් කටයුතු සම්බන්ධව ප්‍රශ්නයක් මතුවීම හේතුවෙන් ඒ සම්බන්ධ අවධානය යොමු කිරීමට සිදුවන දෙයක් ඇති වේ. එසේම අසල්වැසි සම්බන්ධතා අඩුවී යෑමට හේතු යෙදෙන අතර අයට වඩා වැය අධිකවීම නිසා ගෘහ ජීවිතයේ කටයුතු ද අසතුටුදායක බවක් පිළිබිඹු කෙරේ. අවබෝධයෙන් ක්‍රියාකරන්න. සමාජීය වශයෙන් මිත්‍රශීලීව, සුහදශීලීව අන්‍යයන් සමග කටයුතු කිරීමට ඥානාන්විත වන්න.
- කන්‍යා - ඉවසිලිවන්තව කටයුතු කරන්න
ඔබට මේ සතියේ මුල් දින තුන ශුභදායී ලෙස ගත වේ. අලුත් ප්‍රාර්ථනා අනුව නව මගක ගමන් කිරීමට එහිදී හැකි වේ. ඒ ඒ කාර්යයන් වලට අදාළව යම් යම් අයගෙන් අපේක්ෂා කරන සහයෝගය උදව් උපකාරද ඔබට නොඅඩුව ලැබේ. සෙසු දිනයන්හිදී ඔබගේ ඉක්මන්කාරී ක්‍රියා නිසා ප්‍රතිඵල සාර්ථක කර ගැනීමට බාධා පැමිණෙයි. එනිසා ඉවසිලිවන්තව කටයුතු කරන්න. විශේෂයෙන් ඔබ මෙම සතිය පුරාම ඔබගේ අවධානයට ලක්කර ගත යුතු වන්නේ ඉවසිලිවන්තව කටයුතු කිරීමේ අවශ්‍යතාවයි. සතුරු කරදර හෝ කුමන්ත්‍රණවලට ඔබ අසු වීමට ඉඩ ඇති නිසා නිතරම සැලකිල්ලෙන් කටයුතු කළ යුතුයි.
- තුලා - අරමුණක් ඉටුවෙයි
ඔබට මේ සතියේ අවසන් දින 4 ශුභදායී වන අතර මුල් දින තුන ගැටලු ප්‍රශ්නවලට හේතු යෙදේ. විශේෂයෙන් ඔබගේ සිත තුළ පැවති අරමුණක් ඉටුවෙයි. අමනාපව සිටි පිරිසක් මිත්‍රවන තැනට කරුණු යෙදේ. මිල මුදල් ලාභ ආදායම සරුවීම වැනි දේ සිදු වේ.රාජකාරී කටයුතු ක්‍රමවත්ව කරගෙන යාමට ඔබට හැකිවන්නේය. මෙය රාජකාරි ස්ථානය ඔබට සතුරුකම් කළ අයටත් ඔබේ ආධාර උපකාර අවශ්‍යවන දින හතරකි. තමාගේ වෙළෙඳ ව්‍යාපාරික කටයුතු සැලසුම් කළ පරිදි කරගෙන යාමට හැකි වේ.
- වෘශ්චික - මිලදී ගැනීමක්
මෙම සතියේ මුල් දින හතරට වඩා අවසන් දින තුන ඔබට ශුභ ඵලදායී අයුරින් ගතවෙයි. ඇතැම් අවස්ථාවල පසුගිය දිනවල බලපෑ දුක් දොම්නස් කරදර මෙහිදී ක්‍රමයෙන් පහවී යයි. නව නිවෙසක් හෝ වාහනයක් මිලදී ගැනීම සඳහා පසුබිම සැකසේ. පොදුවේ ඔබට මෙම සතියේ මුල්දින හතර තම කටයුතු පසෙක දමා අනුන්ගේ වැඩ කටයුතු වෙනුවෙන් වෙහෙසීමට සිදු වේ. එමෙන්ම දුර දිග නොබලා කරන කතාවලින් ද වැළකිය යුතු කාලයකි. අනුන් වෙනුවෙන් වියදම් කිරීමටත් සිදුවේ.
- ධනු - සතිය පුරා කෙටි ගමන්
සඳු ග්‍රහයාගේ ගමන මත සතිය ඔබට සුබ අසුබ මිශ්‍රපල ගෙනදෙන අතර ඔබට මෙම සතිය තුළ අභියෝග ජයගෙන අවහිර බාධක මැඬගෙන සිය දෛනික කාර්ය කටයුතු කරගෙන යාමට හැකියාව ලැබෙන්නේ සැලසුම් සහගතව දුරදිග බලා කටයුතු කළහොත් පමණි. ගෙදර දොර පවුලට සම්බන්ධ මෙන්ම තම දෛනික කාර්යයන්ට සම්බන්ධ කටයුතු බාධක මැද ඉටුකර ගැනීමටත් හැකි වේ. රැකියා කටයුතුවල තරමක සාර්ථකත්වයක් ඇති කරන අතර රැකියාව උදෙසා කෙටි ගමන් යෙදීමට හෝ රැකියාවේ ස්ථාන මාරු සිදුවීමට ඉඩ ඇත.
- මකර - සිතේ සමාදානය සතුට ඇතිවෙයි
තමා කරන කියන වැඩකටයුතූ වලින් ලාභ ප්‍රයෝජන අත්පත් වේ. වස්තු ලාභ ලැබේ. දුක් කරදර වලින් නිදහස් වීමට විවිධ පැතිකඩ මගින් ආධාර උපකාර ලැබේ. සිතේ සමාදානය සතුට ඇති වේ. තිබෙන තත්ත්වය උසස් වේ. වැඩ කටයුතු දියුණු වේ.බොහෝවිට මෙය රැකී රක්ෂා තනතුරුවලට පත්වීමට බලාපොරොත්තුවෙන් සිටින අයට එම අදහස් ඉෂ්ට වන සතියක් වේ. උසස් අධ්‍යාපන කටයුතු, ප්‍රාථමික අධ්‍යාපන කටයුතු, විදේශ අධ්‍යාපන කටයුතු සාර්ථක කර ගත හැකිය.
- කුම්භ - බලාපොරොත්තු සඵල වෙයි
කුම්භ ලග්නය හිමි ඔබට අධ්‍යාපන රැකියා ව්‍යාපාර මෙන්ම පවුලේ කටයුතු යනාදිය යථා පරිදි කරගෙන යාමට අවශ්‍ය උත්සාහය හා ධෛර්ය මෙම සතිය තුළ නොඅඩුව ලැබේ. මෙම කාලයේ දී තමා නිරත වන වෘත්තීය අංශයේ හෝ ව්‍යාපාරික ක්ෂේත්‍රයේ අනාගත සුබ සිද්ධිය උදෙසා විශේෂ වෙනසක් ඇති කෙරේ. පසුගිය දිනවල පැවති ආර්ථික ප්‍රශ්න හා සමාජීය ප්‍රශ්න බොහෝ දුරට අඩුවී යන බවට පසුබිම සැකසේ. සැලසුම් කරන වැඩ කටයුතු මෙන්ම බලාපොරොත්තු පහසුවෙන් සඵල වේ.
- මීන - අභියෝග ජයගත හැකියි
ඔබට සතිය අවසන් වීමට ප්‍රථම අනපේක්ෂිත හෝ බලාපොරොත්තු රහිත මාර්ගයකින් යහපත් දෙයක් සිදු වේ. උගත්කමට හැකියා කුසලතාවට තනතුරු නිලතල වරප්‍රසාද ලබාගැනීමටත්, අවස්ථා ගොඩනැගේ. එවැනි සුබපල මධ්‍යයේම නොයෙක් ක්‍රමවලින් ගෙදර දොර අවුල් වියවුල් තැවුල් මතුවන දෑ සිදුවන නිසා එවැනි තත්ත්ව මතුනොවීමට වගබලා ගන්න. මේ අතරම බලාපොරොත්තු රහිත වියදම් ද වැඩිවන නිසා ගනුදෙනු හා මුදල් පරිහරණයේදී කල්පනාකාරී වන්න.
Leave a comment