වයසට ගියත් තරුණ විදියට පෙනුම තබාගන්න ලෝකය පුරාම කාන්තාවන් බොහෝ දෙනෙක් දක්වන්නේ විශේෂ උනන්දුවක්. කොහොම වුනත් තරුණ පෙනුම ඇති සුන්දර රුවක් පවත්වාගන්න ලෝකයේ තිබෙන ජනප්‍රියම ක්‍රමය ප්ලාස්ටික් ශල්‍යකර්මයි. අපේ රටේ වුවත් මෙවැනි ශල්‍යකර්මවලට යොමුවෙන පිරිස් ඕනෑ තරම් සිටිනවා. ප්ලාස්ටික් ශල්‍යකර්ම වර්ග බොහෝමයක් තිබෙන අතර රූපය ලස්සන කරගැනීම සඳහා කෙරෙන ශල්‍යකර්ම හඳුන්වනු ලබන්නේ කොස්මැටික් සර්ජරි :ක්‍දිපැඑසජ ිමරටැරහ* ලෙසයි. මේ වන විට ලෝකයේ වැඩි දෙනෙක් යොමුවෙන මේ කොස්මැටික් ශල්‍යකර්ම අපේ රටේත් ඕනෑ තරම් සිදුවන නිසාම දන්න නොදන්න සියලුදෙනාට වගේම එවැනි ශල්‍යකර්මයක් කරන්න ආසාවෙන් සිටින කෙනෙකුටත් මේ පිළිබඳ දැනගැනීම වැදගත්වන නිසාම ඒ ගැන කතා කරන්නයි මේ සුදානම.

 

කොස්මැටික් ශල්‍යකර්මයකින් වෙන දේ
උත්පත්තියෙන් හුඟක් දෙනකුට අංග සම්පූර්ණ රූපකායක් ලැබුණත් පෙනුමේ යම් යම් අඩුපාඩු තිබෙන අයද අපි අතර සිටිති. මේ අයට වගේම තමන්ගේ තිබෙන පෙනුම තවත් වැඩිදියුණු කරගන්නත් අඩුපාඩු සකස් කරගෙන වයස පෙනුම නැතිකර ගන්නත් මෙවැනි ශල්‍යකර්ම කරනු ලැබේ. එපමණක් නොවේ මුහුණේ පෙනුම වෙනස් කරගන්න වගේම මේ ශල්‍යකර්මවලින් සිරුරේ තරබාරු පෙනුම අවම කරගෙන පෙනුම වැඩි දියුණු කරගන්නත් හැකියාව තිබේ. ඒ නිසා ලෝකයේ වඩාත් ජනප්‍රිය මේ ශල්‍යකර්ම ලංකාවේත් සිදු කෙරෙන අතර, තොල්, නාසය, පියයුරු සහ නිතඹ හැඩට සකස් කිරීම වැඩිපුර සිදු වේ. අපේ රටේ සුලබව සිදුනොවුනත් ලෝකයේ බොහෝ ජනප්‍රිය සුපිරි තරු වගේම වැඩි පිරිසක් මේ ශල්‍යකර්ම සිදුකර ගනී.

 

වයස් භේදයක් නෑ
ප්ලාස්ටික් සැත්කමක් කිරීමට යාමේදී වයස් භේදය, අතුරු ප්‍රතිඵල, අවදානම නැවත නැවත එය කළ යුතුද යන ගැටලු රාශියක් මතු වේ. මුලින්ම දැනගත යුතු වන්නේ වැඩිහිටියන් අතර මෙයට වයස් භේදයක් නොමැති බවයි. වයස බලපෑම් නොකළත් මෙවැනි ශල්‍යකර්මයක් කිරීමට එම තැනැත්තා සුදුසු තත්ත්වයක පසුවනවාද යන්න පරීක්ෂණ සිදු කර එහි ගැටලුවක් නැතිනම් පමණක් මෙම ශල්‍යකර්මය කරනු ලැබේ. විශේෂයෙන් විවිධ රැ කියාවල ස්වභාවය මත, සමාජ තත්ත්වය පවත්වා ගැනීමට තරුණ පෙනුම රැකගැනීමට ශල්‍යකර්මවලට යොමු වේ. ඒ නිසා එයට වයස අදාල නොවේ.

 

සැත්කම අවදානම්ද?
අවදානමක් නැති දෙයක් නැත. අවදානමක් නැතැයි පැවසීමටද නොහැක. කෙසේ වෙතත් මෙම සැත්කම සිදු කිරීමට පෙර සිරුරේ සම්පූර්ණ පරීක්‍ෂාවක් සිදු කරයි. ඒ සඳහා වෛද්‍යවරු කිහිපදෙනෙක්ම එක් වේ. තම හිතුමතයට කිසිවකුට මෙවැනි ශල්‍යකර්ම කරගත නොහැක. එවැනි ක්‍රියාපිළිවෙළක් සමග එය සිදු කරන නිසා හානියක් සිදුවීම ඉතාමත් අඩු ය. එහි සාර්ථකත්වය රඳා පවතින්නේ ප්‍රතිකාරය සහ අවශ්‍යතාව කෙතරම් දුරට වැදගත්ද යන අවබෝධය මතය. ශල්‍යකර්මය කරනවාද නැද්ද යන්න නිගමනය කරනුයේ ඉන්පසුවය.

 

සැත්කමේ ප්‍රතිඵල කෙතරම් කාලයකටද?
මෙවැනි සැත්කමක් කිරීමෙන් පසුව ආරක්ෂා වන්නේ කොහොමද? නැවත නැවත එය කළ යුතුද? යන ගැටලු ඇතිවීම සාමාන්‍ය ය. සමහර ශල්‍යකර්ම දිගුකාලීනව පවත්වා ගැනීමට හැකියාව තිබේ. එහෙත් ඒ තමන්ගේ කැපකිරීම මතය. උදාහරණයක් ලෙස දරු ප්‍රසූතියකින් පසුව උදරය ආශ්‍රිත සම එල්ලා වැටීම සහ දෙපස මේදය තැන්පත්වීම නිසා උදරය අඩුවන්නේ නැත. එවැනි අවස්ථාවක ශල්‍යකර්මයකින් මේදය ඉවත් කර ඇඟ හැඩට හදාගත හැකිය. එහෙත් එය දිගුකාලීනව පවත්වා ගැනීමට නම්, ශල්‍යකර්මයෙන් පසුව කෑමබීම පාලනය, ව්‍යායාම කිරීම නිසි පරිදි කරගෙන යා යුතුය. එසේ නැතිනම් නැවතත් ඒ තත්ත්වය ඇතිවිය හැකිය. එහෙත් සාමාන්‍යයෙන් මුහුණේ වෙනස්කමක් කිරීමෙන් පසුව එය පුද්ගලයාගේ වයස අනුව සාමාන්‍යයෙන් වසර අටක් හෝ දහයක් පමණ යනතෙක් එලෙසින්ම පවත්වා ගැනීමට පු`ඵවන. එම කාලය ශල්‍යකර්මය මත රඳා පවතී. ඒ පුද්ගලයාත් ඒ පිළිබඳ අවබෝධයකින් සිටිනවා නම් නැවත නැවත කිරීමට අවශ්‍ය නැත.
 

පරෙස්සම් වෙන්න ඕනෑද?
එය ශල්‍යකර්මයෙන් ශල්‍යකර්මයට වෙනස් වේ. සමහර අවස්ථාවල සුමානයක පමණ විවේකයකින් පසුව තමන්ගේ දෛනික ජීවිතයේ සාමාන්‍ය පරිදි ගත කිරීමට පු`ඵවන. එහෙත් තවත් අවස්ථාවල සුමාන දෙකක් පමණ විවේකගත යුතු අවස්ථාත් තිබේ. මේ කාලය තුළ නිවැරදිව පරෙස්සම් වී කෑම බීම සහ ව්‍යායාම සමබරව කරගෙන යනවා නම් අමුතුවෙන් පරෙස්සම්වීමක් අවශ්‍ය නැත.

 

ලංකාවේ පහසුකම් තියෙනවද?
රූපලාවන්‍ය සැත්කම් බොහොමයක් තිබේ. උදාහරණයක් ලෙස මුහුණේ, මුඛයේ, ඇස්වටා, කම්මුල්, නාසය, ගෙල, උදරය, පියයුරු ආශ්‍රීත විවිධ ශල්‍යකර්ම සිදු කෙරෙයි. මේ හැමදෙයක්ම කරන්නේ රැලි වැටීම අවමකරගෙන තරුණ පෙනුමක් ගැනීමටය. එසේ නැතිනම් මහතට තිබුණු සිරුරක් කෙට්ටු වූ විටත් සමේ රැලි ඇතිවීමට පු`ඵවන. මේ සියලුම ශල්‍යකර්ම මේ වෙනකොට ලංකාවෙත් ඉතාම ආරක්ෂාකාරී ලෙස සාර්ථකව කර ගැනීමට පු`ඵවන. ඊට අවශ්‍ය කරන පහසුකම් පවා අපේ රටේ තිබේ.

 

අතුරු ආබාධ මොනවාද?
මෙවැනි ශල්‍යකර්ම කිරීම නිසා කාලයක් ගිය පසු ගැටලු ඇතිවන්නේ නැත. එහෙත් එවැනි ශල්‍යකර්මයක් කිරීමේදී විවිධ අතුරු ආබාධ ඇතිවීමට පුළුවන. උදාහරණයක් ලෙස කුඩා සැත්කමකදී වුවත් සමහරවිට තුවාලය පැසවීමට පු`ඵවන. සුව වීම කල් යා හැකිය. මෙවැනි සුළු අතුරු ආබාධ ඇතවිය හැකිය. එසේ වන්නෙත් බොහොම කලාතුරකිනි. නිර්වින්දනය කර සිදුකරන සැත්කමක් නම් නිර්වින්දන වෛද්‍යවරයා සමගත් සාකච්ඡා කර අතුරු ආබාධ ඉතා අවමයෙන් බලපෑ හැකි නම් පමණක් සැත්කම සිදු කරයි. ප්ලාස්ටික් සැත්කම් පිළිබඳව බොහොමක් මිත්‍යා මත ඇත. එහෙත් ඒවාට බිය විය යුතු නැත. මෙම සැත්කම සිදු කරන්නේ ඉතාම ආරක්ෂාකාරී පිළිවෙලකට ය. එබැවින් කට කතා පිළිබඳ අනවශ්‍ය බියක් ඇති කරගත යුතු නැත.

 

 නයනා උදයංගනී