ලෝක ජනගහණයෙන් විශාල සංඛ්‍යාවක් ආදරය කරන ක්‍රීඩාවක් තමයි පාපන්දු. ඒ නිසා වර්තමානයේදී හැමෝම ආදරය කරන ජනප්‍රියම ක්‍රීඩාවක්බවට පාපන්දු ක්‍රීඩාව පත්වෙලා අවසන්. ඉතින් ලෝකයම ආදරය කරන මේ ක්‍රීඩාවේ  ලෝක ශූරයින් සොයන ලෝක පාපන්දු තරගාවලිය 2022 සමාරම්භක උලෙළ අති උත්කර්ෂවත් අන්දමින් මෙම 20 වැනිදා කටාර් රාජ්‍යයේදී පැවැත්වුණා.  එය කාගෙත් සිත් ඇඳගන්න ාසුළු ආරම්භයක් බවටත් පත්වුණා. 

ඒ විතරක් නොවේ සමාරම්භක උත්සවයේ නිල ගීතය වෙනුවෙන් සුප්‍රකට දකුණු කොරියානු පොප් තරුවක් වූ ජුන්ගු කුක් සහ කටාර් ගායක ෆහාඩ් අල් කුබෙයිෂි සහභාගීවීම හැමෝම පුදුමයට පත්කරන විශේෂ අවස්ථාවක් වුණා.  

මෙම ලෝක කුසලාන පාපන්දු තරගාවලිය දින විසි අටක් පුරාවට පැවැත්වෙන අතර කාණ්ඩ අටක් යටතේ කණ්ඩායම් 32ක සහභාගීත්වයෙන් එය පැවැත්වෙනවා. ඒ අනුව මෙහි පළමු තරගය සත්කාරක කටාර් රාජ්‍ය සහ ඉක්වදෝරය අතර පැවැතියා.  එම රටවල් දෙක වගේම නෙදර්ලන්තය, එංගලන්තය, අමෙරිකාව, ආජන්ටිනාව, ප්‍රංශය, ඕස්ටේ්‍රලියාව, බ්‍රසීලය, දකුණු කොරියාව ඇතුළු කණ්ඩායම් 32 ක් මෙහිදී තරග වැදීමට නියමිත අතර, එම තරග ක්‍රීඩාංගණ අටක තරග හැට හතරක් ලෙෂ පැවැත්වීමට කටයුතු සැලසුම් කර තිබෙනවා.  

ඒ වගේම තමයි මෙවර පාපන්දු ලෝක කුසලානය තවත් උණුසුම් කරමින් සුවිශේෂී අවස්ථා කිහිපයක් සැලසුම් කර තිබෙනවා. ඒ අතර මෙවර තරගාලියේ දී ක්‍රීඩාගාර තුළ මත්පැන් පානය කිරීමත් තහනම්. මෙවර කාන්තාවන් තුන්දෙනකු පළමුවරට තරග තීරකවරියන් ලෙස පාපන්දු ලෝක කුසලාන තරගාවලියේ විනිශ්චය කටයුතුවලට එක්වීමත් තවත් සුවිශේෂී කටයුත්තක්.

 

ලෝක ප්‍රකට සුපිරි පාපන්දු ක්‍රීඩකයින් වන ආර්ජන්ටිනාවේ ලයනල් මෙසී සහ පෘතුගාලයේ ක්‍රිස්ටියානෝ රොනාල්ඩෝ  සහභාගිවන අවසන් ලෝක පාපන්දු තරගාවලියද මෙයයි. 

 

---

නයනා උදයංගනී  

---